點解，做錯事都可以上台領獎既？

林鄭月娥係香港主權移交二十一年，頒左個「銀紫荊星章」畀林天星（註一）。「林天星」係邊個？咪係2015年，因為區議員揭發有多條公屋屋邨食水管含鉛量超標，而被獨立調查委員會點名批評為「專業不足、固執己見」既前水務署署長囉！房署至今仲未更換果D含鉛水喉，住係果度既居民仲未飲到安全既食水架。

如果係外國，因監管不力，嚴重失職，搞到影響咁廣泛，相關部門首長神早就要問責下台啦。不過呢度係香港，就算官員任內爆幾大單野都好，唔單止可以無驚無險穩袋千二萬退休金，有得咬長糧，仲可以授勳！

究竟林鄭係咪獎勵「鉛水署長」緊隨北京步伐，以鉛毒清理香港澳「低端人口」有功？定係香港特區果堆紫荊勳章，專門用黎獎惡罰善呢？早幾年就頒畀殺人放火既暴徒（如曾德成）、貪污受賄既高官（如曾蔭權、許仕仁、何志平）（註二）。今次就獎勵疏忽職守既公務員（如林天星）。

#香港荷蘭水蓋 #殺人放火金腰帶

註：

1. 〈林鄭頒大紫荊予兩競選辦資深顧問 「專業不足」鉛水署長獲銀紫荊〉，852郵報，2018–7–1
2. 何志平、曾德成：金紫荊星章。 曾蔭權、許仕仁：大紫荊勳章。

(2018–7–1)

傳送門：西米Go昔日文章2019

傳送門：【只許高官僭建，不許學生爆粗】

傳送門：【馬來西亞人都未富先驕？】香港人，You are not alone！