Member-only story
新一年，無論幾念舊既人都好，擺係公司同屋企果個檯頭月曆肯定要換過新。
揀月曆一定唔可以求其！話晒都要日對夜對，對足一整年架嘛！個圖案一定係自己最鍾意果款先會買。就算係免費贈送既，個設計都起碼要唔討你厭先畀佢留底。我就完全接受唔到大大隻金色字寫住「乜乜區議員敬贈」喇！（仆你個街，民建聯黎既喂！）
今期介紹返俄羅斯總統普京（60路，露埋點）月曆！日本Loft有售，盛惠1200yen。
一國元首，出自己嘜頭產品係本國賣唔奇，實有人愛國/被愛國/要表忠/拍馬屁走去幫襯。但個market可以伸展到第二個地方，仲要係唔算友好既鄰國（俄國同日本一路都爭緊幾個北方島嶼主權），就好可能只有普京一個做得到。
唔止咁，Loft仲話，「名人類別」月曆銷量，普京連續三年居冠。本年佢就好賣過銷量亞軍，日本演員田中圭；以及銷量季軍，奧運男子花式滑冰衛冕金牌選手羽生結弦。六十路完勝小鮮肉，一個字：勁！
利申：無買。
同場加映，普京月曆內頁大放送！
#祝大家新年進步
(2018–12–31)
傳送門：西米Go昔日文章2019
