Member-only story
係上回提及，五年前果個場合，馬雲仲有另一金句：「這世界誰也沒把握你能紅五年。」真係算都無咁準！正正就係五年之後既2018年，54歲既馬雲忽然宣佈引退，一年後唔再擔任阿里巴巴主席，話要返去教書。同時，公司向美國監管部門申報，幾個月前佢已經放棄若干子公司實質權益（註）。
呢排中國官方搞國進民退，仲放風想「消滅私有制，重行公有制」，即係毛澤東成立新中國初期，強制充公私人企業權益咁。中國富豪接連出事：有人係法國影影下相會跌死、有人係香港四季酒店大庭廣眾被神秘人帶走，從此音訊全無、有人係拘留被逼供致死、有人滯留美國唔敢返黎、亦有女明星失踪幾個月，出返黎要賠十億既……。正值壯年既馬雲，選擇呢個時候急流勇退，好明顯係聞到燶味啦。至於佢之後保唔保到周全，都係未知之數。睇返中國歷史，不知進退既固然唔會有好下場。自當配合既被人趕盡殺絕，例子亦唔少。
反而，當年馬雲口中「趕唔上時代」果個李嘉誠，早係習近平上台開始，連一國兩制都信唔過，身體很誠實咁逐步由中國、香港，轉移去英國、加拿大、澳洲呢D法治健全、私有產權受保障既真文明國家。有咩事，人同錢都可以全身而退。邊似得開口埋口都話「背靠祖國」、事事響應黨既號召、「把握乜乜機遇」果班有錢人咁，日日擔驚受怕，唔知自己幾時會畀黨和國家睇中，要貢獻，要報效。
你地話，馬雲同李嘉誠，100%笑到最後既，會係邊個喇？
#外星人都著草
註：
馬雲放棄佢對阿里巴巴VIE架構既所有權。VIE（Variable Interest Entities，可變利益實體，也被稱之「協議控制」。係中國境內營運既主體公司，為左去中國境外上市，而採取的一種公司架構。關鍵是通過VIE下多項協議（不是透過擁有股權），由境外公司去控制境內持有相關牌照既子公司。
(2018–10–15)
傳送門：西米Go昔日文章
