【香港股市分析：2019年3月17日】

恆生指數：

本週二至五，3月12至15日，恆指連續四日收於10天線（紅色）樓上，已經企穩10天線。亦無補回3月12日做成的222點上升裂口（黃色圓圈）。

隨機指數，3月15日K線（下半部份，紅色）收67.2，D線（下半部份，綠色）收60.9。兩條線都係50樓上，代表仍然強勢。

3月8日和3月11日所造成既月中低位，確定係一個島型底（黃色圓圈）。傳統上，跌市往往快/急過升市，但我地對比返今次呢兩個裂口：

第一個裂口，下跌239點（3月8日高位28,533 —3月7日低位28,772 ）

VS

第二個裂口，上升222點（3月12日低位28,734 — 3月11日高位28,512 ）

=> 上升力度竟然與跌既力度相若，證明250天線（粉紅色）係好有力支持。

如上星期所述，一日唔跌穿27,200雙底頸線（白色橫線），一日都無問題。如未來真係調整，至接近呢個位，將會係值博率高既時機。

三月份已過一半，暫時高低波幅只有1,040點。依照歷史數據，三月份恆指波幅遠遠唔應該咁少，保守當佢有1,500點波幅，即係仲有500點上望空間，第一個上望目標係29,500。

另外，今個月直到而家為止，恒指牛熊證已經收回12,200張，距離一個月平均20,000張（大約呢個數先夠大戶出糧），仍欠8,000張。睇返而家既牛熊證街貨分佈，近價熊遠多過牛。大戶多數取易不取難，所以要係黎緊下半月收夠數，大市向上殺熊機會高過向下。

最後，如上星期所講，大戶要個市跌，都要搵籍口。短期國際大事仍然係中美貿易談判、英國脫歐呢兩個舊問題，情況只係膠著，無特別變差。下星期仲有美國聯儲局議息、各大藍籌出業績，亦唔會預期有太大問題。

反而，兩會係上星期五完結，中國既刺激經濟政策將會陸續出黎，個別行業受惠，會係炒上既籍口。統計顯示，2006至2018年期間，兩會後A股既短期走勢係升10次vs跌3次。種種原因都有利大市繼續上升。

#無冧巴 #無貼士 #並非投資建議 #純個人意見

(2019–3–17)

傳送門：西米Go昔日文章2019

傳送門：香港股市分析