香港，真係一塊福地黎！

呢個世界，除左澳門，有咩地方可以時不時全民有獎抽？抽中有錢派先？

中銀紀念鈔、iPhone X、Air Jordan 波鞋、閱文(772.HK)、小米(1810.HK)、Hottoys、手辦公仔、五二折居屋……基本上只要你手持香港身份證，就可以低成本參加抽獎，中既機會唔細。唔講技術、只需運氣。

呢d活動仲唔會好似買六合彩同過大海咁歸類為「賭博」，而被視為「投資」，係「為財富增值」！聽落既上進又腳踏實地，仲完全符合中環人文精神。

有時，唔好怪時下年青人個個想不勞而獲。香港社會就係鼓勵緊呢種風氣。華文報紙大肆報導「果農」點賺第一桶金、歷代紀念鈔水位幾多、抽新股要全家總動員、奶黃月餅券可炒至咩價錢……彷彿遍地黃金，唔執就笨。

賺錢睇落咁易，香港仲唔係福地黎？

基本上只要你手持香港身份證，就可以以低成本參加抽獎，中既機會唔細。唔講技術、只需運氣。

(2017–11–07)

傳送門：西米Go昔日文章