Member-only story
中一派位，我派到去第一志願。而Simon，本黎被派去一間band 5武館，佢父母驚佢學壞，走去碌盡人情卡，又畀佢地搭上搭上搭，識到我讀緊果間中學個校監。係半年之後，Simon轉校、過左黎我間中學插班讀中一。非常好，我地又可以一齊玩啦！
佢daddy知道，Simon根本就唔係讀書既材料，但當年，唔單止無電競，無STEM，連programming都唔係主流學科，所以直播打機唔係一條出路。唔緊要，有錢人寧捨多選擇。為左準備第時出國，佢每年暑假都會送Simon過美國讀summer school。錢，並無白使，Simon學業仍舊一般，唯獨英文的確進步得好快。班際話劇比賽，老師都讚佢唸台詞既口音好「鬼佬」；而明珠台睇美國電視劇，咩ER、X-Files，佢唔使睇中文字幕都聽得明。我果時有羨慕過，試過問老母，下年暑假可唔可以跟埋佢去美國讀返一頭半個月英文，可惜，我老母話無錢。
OK, fine. No big deal really. 反正果幾年夏天，我都會報名參加區域市政局舉辦既壁球、游水、器械健體訓練班。一百幾十蚊有十堂八堂玩。假期一樣過得好充實。
一如預期，Simon中五會考成績嘛嘛，repeat一年，先至儲到五科合格，夠分去澳洲升學。
#西米Go講故
(2018–6–8)
傳送門：西米Go昔日文章2019
