Member-only story
1482年既法國，有個吉卜賽少女叫Esmeralda，因為生得靚，吸引唔少麻甩佬追求。其中有個叫Captain Phoebus，呢個御前侍衛隊隊長色膽包天，設個局想污辱女神。Esmeralda雖然只係一個「年輕少女」，但並無被壞人誤導。佢拒絕向隊長提供免費性服務（註一），並作出激烈反抗。就係電光火石之間，捅左色狼幾刀，眾人當正Esmeralda係殺人兇手，拿拿臨就判佢死刑（其實Captain Phoebus未死既，只係班權貴見佢係吉卜賽人，睇唔順眼，要屈佢啫）。當劊子手準備行刑之際，樣衰又駝背既毒撚Quasimodo現身劫刑場。佢抱住女神，逃避追兵，走呀走，走呀走，走到去巴黎聖母院。就係佢跨過聖母院欄杆果一刻，大叫：「Sanctuary！Sanctuary！Sanctuary！」咁就成功拯救女神喇。（Well，至於毒撚其後能否抱得美人歸，我賣個關子，唔係度劇透咯。）
原來按照十五世紀法國傳統，只要犯人走入聖母院範圍，就唔會被懲處。因為當時教會仲有好大影響力，皇帝都忌佢三分。同埋，基於寬恕與人道立場，係教堂呢個避難所（Sanctuary）入面，只有神可以審判，世俗既司法制度並不適用。
以上只係法國文豪雨果筆下〈鐘樓駝俠〉小說既情節，故事純粹虛構。十五世紀既巴黎聖母院係咪真係有權力「包庇」「殺人犯」，我真係唔知道。
五百幾年後既香港，有場社會運動。初期，有唔少基督/天主教聖堂開放畀前線示威者入內補給同休息。不過，漸漸有多個黎自唔同宗派既教牧爆料，話佢地既聖堂遭受電話滋擾。又有教友因為政治立場、因為驚警察衝入教堂拉人果陣造成破壞，反對教牧開放聖堂畀示威者使用。更甚既係，有年紀較大、社會地位較高既教友，以截斷對上帝既事奉同奉獻做要脅。因為咁，有唔少教牧一反先前大愛包容既態度，不再合情、合法、合理地開放聖堂畀任何人祈禱休息，而家佢地一見到附近有示威活動，就落閘關門了（註二）。
教友同教牧們，似乎忘記天父既教導。我地不妨重溫一下〈聖經〉：
「為義受逼迫的人有福了，因為天國是他們的」
— 馬太福音（5：10–12）
.
「人因為先知的名接待先知，必得先知所得的賞賜；
人因為義人的名接待義人，必得義人所得的賞賜。無論何人，因為門徒的名，只把一杯涼水給這小子裏的一個喝，我實在告訴你們，這人不能不得賞賜。」
— 馬太福音 （10:41–42)
.
「你們這假冒為善的文士和法利賽人有禍了！因為你們好像粉飾的墳墓，外面好看，裡面卻裝滿了死人的骨頭和一切的污穢。你們也是如此，在人前，外面顯出公義來，裡面卻裝滿了假善和不法的事。」
— 馬太福音（23：27–28）
對於部份教牧黎講，仁愛、包容原來只係廉價空洞既口號。而教徒對上帝既事奉和奉獻，由無私，變成有交換條件。（竟敢同上帝討價還價，真係匪而所思！）「錢」，作為現代社會慣常既脅逼工具，…
