Member-only story
自九七年主權移交開始，中國批出單程證配額每日上限一百五十個，等於每年容許五萬五千個中國人移民香港。數數手指，呢二十二年，香港已經收容接近一百二十萬個新移民，佔整體人口兩成。上面既數字，仲未計經其他途徑落黎架喎，例如咩優才/專才計劃、做資本投資者、打工、讀大學、雙非、單非……。香港政府話就話歡迎全地球人申請，其實係人都知，咪又係只吸引到普通話人過黎。
傳送門：騰籠換鳥政策，張建宗已宣之於口
資源有限，人多左咁多，自然唔夠分。社會上已經有唔少聲音，反對繼續容許日日百五個落黎爭飯食。之但係，以林鄭月娥為首既高官、親中政客、與及各個靠食政府補貼以支援新移民既社福團體就反駁，唔關新移民事，佢地成日引用統計數據，聲稱佢場佔用既資源比例上唔多咁話。點解，官方數字，同本地香港人所見所感（例如排公屋/去公立醫院睇醫生既輪侯時間、新落成公屋/社署撞口撞面都係唔識講廣東話既人）有咁大落差既呢？
嘻嘻！問題原來出自「新移民」既定義度。究竟，咩叫「新移民」呢？一般人可能會話：九七後由中國落黎果班人都算係、一聽到佢既口音就知道係……。但是，香港政府以「居港未滿七年」為界，一旦居港夠七年，就唔再被歸類為新移民。
咁樣，係政府眼中，新移民人數既上限，咪永遠都keep係三十八萬（150人/日 x 365日 x 7年）！以今日為例，統計署只會計2012年5月至2019年5月最近七年落黎既中國人做新移民。2012年前落黎既，就算仍然食緊綜援、排緊公屋未上樓、爭緊學位、用緊公立醫療……全部唔計。
睇到呢度，心水清既朋友，係咪發現弔詭之處呢？
隨住時間過去，一批又一批新來港中國人，會自動被各政府部門/調查機構剔出新移民行列。呢班人唔單止會係各種針對新移民既統計（例如「新移民領取綜援人數比例」）上消失，仲會由分子變成分母（因為變成整體人數既一部份）。分子keep住三十八萬不變，分母就逐年增大。結果，出現越黎越多呢類人拎福利，百份比反而逐年下降呢個奇怪現象。
唔怪得班林鄭月娥、羅致光、張超雄、施麗珊等等既得利益者，可以振振有詞咁用「數字」去駁斥「社會問題源自新移民」啦。鬼咩，佢地憑住「三十八萬 / 香港總人口」呢個只跌不升既比率去fake人，製造新移民佔用乜乜物物越黎越少既假象嘛！
傳送門：【清退低端，人人有責】
p.s. 呢排醫護人員群起鬧爆政府，話公營醫療系統爆煲既主因係新移民。等多陣啦，近年大學經non-Jupas收既中國醫護學生越來越多。過多幾年，儲夠人數，政府先至大幅增加資源去益呢班中國人以討好中共都未遲。
#數字會講大話 #新移民 #中國人
(2019–5–3)
傳送門：西米Go昔日文章2019
