Member-only story
【讓味蕾走進大灣區】四。螺絲粉
（呢個牌子個名有個「A」字，寧捨特別，牛B死了！唔知係咪中國人平時興加插英文字母既呢？）
點解揀佢？純粹想試下唔同廠家出既螺絲粉，隨機揀架咋。佢既配料冇醃鵪鶉蛋，勝在夠平，其他「好歡螺」、「柳州」、「螺霸王」之類，要三十幾人仔一包，佢呢三包先25蚊。抵！
除左鵪鶉蛋之外，其他配料齊全：酸荀、酸豆角、螺汁、辣既白蘿蔔絲、木耳絲、花生、腐竹都有。各種材料獨立包裝，除左辣油（係煮好食果陣就住落）同埋螺汁（只放七成），其他配料都放晒落去煮。
米線呢，需要花少少時間先可以煮開，同之前試過既牌子情況差不多，屬正常。
評分：3.9/5
外觀︰
- 因為螺汁，湯底呈深灰色；辣油落得少，所以唔係好紅。
份量︰
- 十分足！一包煮出黎可以裝滿成個大湯碗，齋食佢都夠一餐。佢份量係出前一丁既1.5倍，未計大量配料。
味道︰
- 幾好味，唔好睇個湯灰灰黑黑就以貌取人，其實好甜。
- 配菜又酸又辣好開胃，食啖麵、食下配菜，又會忍唔住口食多啖麵……好快就清哂成碗。加埋少少辣油，好過癮。
- 有層次既味道加上豐富配料，完勝一般公仔麵，係煮既時間比較耐。
食後感︰
- 包臭荀夠臭，好滿意。
- 調味料、配料與其他牌子此螺絲粉大致相同，我估背後原料供應都係得果幾個來源。
- 相比之下，「華A」既辣油無「螺霸王」咁辣。
- 總括黎講唔錯，大大碗足料，一餐夠晒飽。
p.s. 食品詳情：「華A螺絲粉」
(2019–5–28)
傳送門：西米Go短評 #001–100，#101–200，#201–300
傳送門：司馬光砸缸救人，應罰款二十蚊
