Member-only story
【讓味蕾走進大灣區】一。山椒牛肉粒醬
拿，國家要開放，我地既味蕾都要開放！
時下香港00後BB豬、同埋50/60後輕老豬（註一）（統稱「港豬」）最鍾意就係去珠海、深圳食買玩吃。逢禮拜六日，佢地都唔會留沽消費，組隊上去食好西、玩好閪，然後放上IG呃爆like。為左與時並進，我呢個80後決定讓味蕾走進大灣區，向淘寶出發，展開首次美食冒險之旅。
第一回，吉香居山椒牛肉粒醬
我之前係街市士多，買過類似醬。可能，士多買手要遷就返本地人既接受程度，食落覺得完全唔辣。今次既然淘寶，就要試最地道中國口味 — 剁泡椒醬 — 四川風（註二）。
係淘寶，同款醬有好多。我都好好奇，點解七、八成都有牛肉，掃左十幾頁都唔見有其他款。
網民話呢間「吉香居」係醬界大佬，本身有實體店，仲做埋其他醬料牌子既供應商，又幫唔少食肆調較醬汁。（詳情可以去呢度睇下）我見佢評價唔差，回頭客唔少，就決定試一試。
從真空玻璃罐內望，見到滿滿既紅油。通常，辣椒油先會係咁。睇黎中國人都幾重口味，接受到就咁拎D紅油黎撈飯。
開樽之前望望標籤：無過期。Google埋添加劑成份：有齊多種主要食用味精，可謂集百家之大成。此外，佢話主要成份係牛肉、泡椒碎同辣椒碎。
咁岩是日晚飯有煎釀三寶，啱哂！就點呢隻醬黎試啦。
評分：3.5/5
外觀︰
- 淺綠色泡椒碎佔多，有少少紅辣椒碎，大量紅油。
味道︰
- 一打開樽蓋，香氣四溢，紅油蕩漾，好刺激嗅覺。
- 極度重油，插隻匙羹落去量度，辣油佔一半。裡面既牛肉粒少得可憐，搵好耐都唔見蹤影。
- 勁辣，條脷掂到少少已經好㷫，一直辣到落喉嚨。我建議大家少少地點下就好。
- 香味黎講，洋蔥味、椒味都好夠，比本地賣既辣醬濃郁。但味道偏咸，容易遮蓋食物本身味道，呢點都算失敗。
價錢︰
- 19.9人仔有兩罐，比香港同類醬料略平。
