【請不要在店內打嗝或者放屁】

中國遊客反文明行為罄竹難書，柒出國際都唔係第一日既事。近至日本鄉郊便利店（註一）、遠到德國連鎖時裝鋪（註二）都有簡體字告示，提醒班山蕃要似返個人。

同為黃皮膚亞洲人，為免去到外地，被當地人誤會你都係黎自中國，而無理遭受岐視對待（well，如果你平時係香港都慣左唔守規矩，就抵死啦！）最有效方法，就係whiter than white，要表現得比文明更文明。好似新年期間遊日本，拆開晒鋪頭入面既「福袋」，擅自自組心水組合（註三），就千祈千祈千祈咪做！

除此之外，以下幾樣行為，係香港都幾常見，大家要留意返，亦要提醒家中長輩先好：

1. 「剪手指甲、腳指甲」
乘搭公共交通工具，周不時都聽到清脆「的的撻撻」聲，除鞋剪腳甲固然咸香四飄唔衛生，手指甲碎一樣會彈到人架！

2. 「牙籤剔牙」
係茶樓、茶餐廳常見，唔係年齡岐視，後生一輩知道牙籤撩牙，牙縫「愈撩愈大」（註四），壞處多多。所以用得牙簽都係中坑以上。拜托，入廁所先清潔你棚牙好嗎？你食飽啫，我仲食緊飯架！

3. 「謝絕講價」
講價都要睇場合，好似深圳東門、印度街頭市集、泰國夜市……呢類第三世界國家專劏外地人既水魚場買野，我認同唔講價就笨。但歐美日？Bitte，人地收費透明，明碼實價，唔該唔好失禮人！

4. 「不要過於大聲講話」
不分年齡、性別、地點場合，無論面對面傾計、定係講電話，香港人係好鍾意越講越大聲，好似嘈交咁。呢個真係要警惕。

5. 「不要打嗝或者放屁」
Okok，我知打嗝（i.e. 打嘶嗌）係因為橫膈肌突發性痙攣，同時吸氣期聲門關閉，兩條聲帶之間裂隙驟然收窄所導致，係不自主肌肉活動，控制唔到。Fine！

放屁忍到啦掛？室內地方行中央冷氣架，尤其係office，老細要慳電費/行政部又聽左環保團體勸籲，將冷氣調教到二十五度恆溫，長期有風等如無風。一場同事，大家可唔可以有公德心少少，行出走廊先放屁呢？係自己個位放，陣味唔會散架！

香港地，中國人實在太多，大家耳濡目染難免把持唔住習非成是。總之大家「有則改之，無則加勉」啦！

學德文時間：

Bitte nicht rülpsen oder pupsen im Laden!

請-唔好-打嗝-或-放屁-在-店鋪

註：

1. 〈日本便利店貼簡體字告示牌 列6大規條：請不要大聲講話〉，HKET，2018–10–18
2. 〈德國連鎖服裝店列 8 大中文告示！禁大媽在店內放屁？〉，ezone，2019–1–3
3. 〈港女出醜日本？拆散福袋自組心頭好〉，東方日報，2019–1–2
4. 〈牙籤撩牙最傷 飯後最好𡁻香口膠〉，蘋果日報，2004–8–20

(2019–1–6)

傳送門：西米Go昔日文章2019