Member-only story
前幾日香港〈蘋果日報〉頭版，係「7.1衝擊立法會，60港青年，赴台求庇護」。報紙引述消息，話有三十個曾經係七月一日衝擊過立法會大樓既示威者，已經飛左去台灣尋求庇護，另有三十人亦準備著草走過去咁話。據悉，台灣陸委會「希望低調處理」，至於庇護畀唔畀、以咩形式畀，當局未有定案。
見到肥佬黎決定擺呢單新聞上A1，我不期然諗起十幾年前，BNO究竟有無居歐權單野。話說那些年，歐洲偏遠小鎮既移民局官員，唔知道英國護照五花八門，同「英」不同權。佢地誤以為BNO同BC一樣都係英國護照，大家都係歐盟公民。因此，容許BNO持有人長居當地。呢個消息慢慢傳開，香港呢邊有KOL懶醒，走去歐洲要人地明確交代BNO既「居歐權」問題，華文傳媒仲作出廣泛報道。結果就係，英國同歐盟走出黎澄清BNO唔係BC，從此漏洞被塞，一條移民捷徑咁就封鬼左。當時，陶傑仲係〈蘋果日報〉副刊，寫左篇文話班人蠢添（註）：
「 在一所屋子裏，牆角有一道小縫，地窖有一窩小老鼠。聰明的小老鼠，看見這道陽光透進來的小縫，絕不會聲張，吱吱大叫，奔走相告，然後放炮仗慶祝，公告地窖底下的小老鼠族群：瞧上面，有一條通往廚房的生路，一起殺過去，外面有蛋糕芝士，有社會福利。
聰明的小老鼠，會自己顧自己，悄悄的閃身潛逃出去，因為神不知、鬼不覺。BNO的漏洞，道理也一樣，悄悄開溜，跑得一個是一個。 只有最蠢最蠢的小老鼠，才會把漏洞公開，拉着歐盟和英國人的衫尾，叫他們清楚「交代」。歐洲雖與英國不和，對黃禍的看法是一致的，你既迫他『表態』，他當然名正言順給你塞洞關門。」
顯然，香港人並無吸取教訓，十年後既今日，犯下同樣錯誤。
有人會話，早排香港果兩個「雨傘運動」時期社運領袖走佬去德國，夠登堂入室去人地國會發表演說啦！國際社會個個拍晒手喎。
拿，台灣唔似德國，德國堂堂一個歐盟大佬，人地想保邊個就保邊個，Merkel使怕你中國唔高興？台灣本身已經弱，係國際社會處處受中國打壓，自己都要依靠美國抗衡對岸威嚇。
加上台灣既《難民法》仲審議緊，人地二千三百萬國民、左中右政客支唔支持係有變數。就算通過左，條文都唔適用於香港、澳門同大陸。即係話，台灣要批庇護畀港人，係要走灰色地帶。而家莫講話果三十個衝立法會大樓既示威者啦，就算早前「銅鑼灣書店」負責人林榮基、「旺角衝突」示威者李倩怡，佢地既庇護申請都未傾掂數。
仲有，德國大愛左膠多，國民連百萬難民都擁抱，收多兩個香港人濕濕碎。台灣唔係喎，無啦啦有幾十人走過去，當地人歡唔歡迎先？人地陸委會話明「希望低調處理」，你轉個頭就揚晒出黎。你擺人上檯，焗人上轎，乜香港人咁樣做朋友既咩？（蔡英文曾經公開話：「…
