第四回：Leute kommen, Leute gehen.

80後出走德國去讀書

Leute kommen, Leute gehen.
呢句話如果用廣東話譯的話應該係人來人往。

由於我所讀的係英語課程﹐所以平時都係會同埋一班國際生一齊生活。而當中會有一部分的人係交換生﹐佢地係叫做Erasmus Student。同大家係香港去exchange一樣﹐好多時佢地都只係過黎一至兩個學期﹐而到左七月﹐就到左佢地要離開的時間。我所識的交換生由韓國、哈薩克去到加拿大、巴西都有﹐考完試之後就係大家送別的時間。

雖然只係識左幾個月﹐但依然會有種依依不捨的感覺。係香港final semester個陣﹐其實係無呢一種的感覺﹐因為大家都會留係香港﹐唔會話見唔到(更多時其實係大家都無再聯絡)。但係呢邊﹐今日一別﹐可以話不知何日再會﹐唔少人更加係喊住咁講到別。係呢個七十億人的地球﹐難得可以相識大家﹐而且可能因為大家都係隻身離開自己的國家﹐好容易會大家互相依靠大家﹐咁的情況下又邊有人會想講再見。去到呢到﹐已經唔敢想像當我讀完要離開個陣點樣同係呢兩年一齊渡過的人講再見。

下一個學期﹐又會有新一批的交換生來臨﹐到時又會有一班不同背景的人大家互相係呢個小城市相遇。

(2018–8–10)

傳送門：西米Go昔日文章

傳送門：80後出走德國去讀書系列