Member-only story
第十回：德國自來水(Das Leitungswasser)
走入德國超級市場，你會發現有好多唔同種類既水：礦泉水/梳打水，無汽/有汽，阿爾卑斯山/斐濟，五花八門既牌子，林林總總既種類。總之，一整條走廊，兩邊貨架，都剩係擺放樽裝水。而日常生活，亦唔難聽見傍人打開有汽樽裝水時所發出的嘶嘶聲。
係德國，自來水屬於硬水，含有大量礦物質。一個金屬水煲，若果長期用黎煲硬水既話，煲底會積聚一攤攤黃黃啡啡沉澱物，極難刮得走。
當地水喉水，可以唔使煲就飲得，但好多當地人飲用同煮食都唔會直接用水喉水，佢地至少都會裝返個過濾器。唔少人甚至會長期去超市/士多買樽裝水。出外用膳，就算顧客要求，都唔會免費畀杯水佢，只會畀樽裝水（當然要畀錢啦）。（因為呢個飲食文化，我有個係德國土生土長既親戚，黎到香港都一樣只會飲樽裝水，佢話香港水喉水有陣怪味tim。）
雖然水中礦物質對人體無害，但有傳聞話飲太硬的水會易甩頭髮，亦有外地黎既同學塊面出紅點，聽當地醫生建議唔飲水喉水，轉飲樽裝水之後好番。但我呢d窮學生，慳得一蚊得一蚊，一於無理，直接係水龍頭裝水飲。
(2017–12–25)
傳送門：西米Go昔日文章
傳送門：80後出走德國去讀書系列
