Member-only story
第十二回：惠方卷 = 向住東南偏南食手卷
春分，即係我地既立春，二十四節氣之一，係玄學角度，今年過左立春就踏入狗年，唔使等年初一。華人地區唔會特別慶祝春分。
係日本，呢一日會有兩樣傳統活動：
其一，係「撒豆驅鬼」，佢地會將炒過既黃豆，一邊撒係屋內外（豆撒き），一邊唸「鬼は外、福は内」，象徵「將鬼怪隔離在外、將福氣留係屋企」。根據日本動畫描述，細路仔先會做；
其二，係完全商品化既「惠方卷」。臨近春分，無論超市定便利店，都會擺滿一大排貨架手卷。惠方卷用料同普通手卷無分別，只係張包裝紙唔同，為左應節，始終都會每人買條。
正式食「惠方卷」係有指定方位，方位年年唔同。例如今年係南南東（即係東南偏南），就要向住呢個方向食。另一個要點係唔好咬斷亦唔好切成一截截，要成條啪，資先會為來年帶黎好運。不過純為應節的話，日本人甚少會跟足（謎之聲：咁其實食唔食都無乜意思啦！）。
另外神社亦有祭典活動，之但係現代社會，真正信奉神道教，又會抽時間參與既人唔係多，（遊客比較有興趣去睇）。一般人所見的節分就同情人節一樣，只係商業活動多過傳統活動。最近就連香港日式超市都宣傳埋惠方卷，唔知一條手卷係咪真係咁好賺呢。
(2018–2–8)
傳送門：有血有淚。香港人在東京轉職社畜
傳送門：西米Go昔日文章
