第十三回：平價二手票鋪頭有咩玩

有血有淚。香港人在東京轉職社畜（しゃちく）系列

大家去日本大城市旅行，有無留意到街上有類似圖中既鋪頭呢？你地有冇懷疑過，點解呢D車飛、優惠券會低過正價呢？會唔會係犯法野黎架？

其實呢D鋪頭賣的飛，唔係老鼠飛或者假飛，亦都無隱藏細字，標價唔係呃人。佢地一般做法係買類似「回數券」（ 例如買十送一）的票，或者向其他人收購（總有人用唔著，寧願平放出去套現）。由於店家大量購入，所以比單買一張平，從而有利潤空間。

如果細心睇，除左鐵路票，仲有好多百貨公司優惠券、博物館入場券等等，有D係收購二手票而來，有D係上市公司派息時送畀小股東的優惠券。雖然折扣唔多，可能只係5%，甚至2–3%，但如果有時間，又行經呢D鋪頭，而你又會經常用到呢類券既話，幫襯下都無壞，都係一種節省開支的方式。

(2018–2–16)

傳送門：有血有淚。香港人在東京轉職社畜

傳送門：西米Go昔日文章