Member-only story
第十一回： 從京都而來的鄰居
懶洋洋既週末下午，門鐘突然響起。初時以為係警察上門派傳單，叫居民小心罪犯；或者係NHK爛仔Sale屎拍門，迫人裝收費電視。打開大門見到一個廿零歲男仔，送上一份類似手信的物體。原來佢剛剛搬入隔離單位，想打個招呼，希望多多關照。
我仲以為電視劇情節先有，估唔到現實真係會發生。諗返我入伙時，冇同鄰居打招呼，請係失禮人。大家係香港都唔會主動同鄰居打招呼架啦！「 隔離鄰舍」，即係「隔離」咗既鄰舍嘛！（http://www.youtube.com/watch?v=xLTTDzwgexA）
事實上，係東京屋企，大家返工返學既時間有差異。就算放假都好，佢地都會返左自己原本個屋企探家人、度週末，所以我好少撞到鄰居。
呢包手信係乜東東？……京都出產既酸梅！我自己對呢D酸野興趣不大，不過個包裝的確好精緻，淨係面頭塊金黃色既巾已經可以當禮物咁送喇。
(2018–1–31)
傳送門：有血有淚。香港人在東京轉職社畜
傳送門：西米Go昔日文章
