Member-only story
第九回：日本新年無啖好食無掟好去
對於在日本冇家室，一條友生活的人黎講，全年最悶一定係新年（其實毒撚係香港過農曆新年都一樣咁悶）。首先，一月頭三日，大部分食肆都唔會開，要食野一係自己煮，一係要去食連鎖快餐店牛肉飯，再唔係就去便利店醫肚。
係新年，日本家庭除夕夜都會食蕎麥（soba）、新年果幾日會去神社參拜、去百貨公司、商鋪排福袋。若果你冇宗教信仰、又唔鍾意同大堆人逼住咁消費既話，除左去山邊、海邊睇景、影相、食西北風，就唯有匿埋屋企打機同訓覺。
大部分黎自其他地方，去大城市打工的日本人，會趁新年番鄉下。新年果幾日，東京市面明顯會少人左，搭車鬆動左，係舒服既。同時，你會發現條街會多左好多外國人：一來，西方國家都係假期，遊客會過黎日本旅行；二來，有好多留日讀書做野既洋人、南亞人，果幾日無親可探，又唔想宅係屋企浪費假期，就約朋友出街鳩遊遊。
(2018–01–09)
傳送門：有血有淚。香港人在東京轉職社畜
傳送門：西米Go昔日文章
