第三回：談歧視。

捨棄中環生活圈，擁抱綿羊與蜜糖之地。

Danny本來移民首選係澳洲，但佢太太有幾位同事澳洲讀書回流返黎，話係澳洲讀完大學都只能做好junior既位或係華人地方打工，歧視幾嚴重。

事實係點並無深究，可能只係幾個人既片面之詞亦可能係事實。最後Danny尊重太太意願唔揀澳洲，落腳左隔離既紐西蘭。

周不時都會有人話移左民就要做二等公民/做低下工作/淨係可以生活係華人圈子等等消磨人往外闖既說話。

根據Danny 2年既了解，當然入門要求低既工作如清潔/餐飲/便利店/超市等服務業好適合新移民去工作，外地學歷/專業資格/經驗不受認可都半強迫地令到大部分新移民一開始只能做呢類工作。倒反轉諗，做顧主既當然希望請返黎既人有本地經驗，始終會易教d同易融入本來既隊伍入邊，呢個都唔算歧視。

當移民落左腳後，其實係可以靠進修黎進入唔同既行業。西方文化對於轉行睇得好輕，walking dead 其中一個角色 Abraham 打算軍人生活退役後做水管工。NZ本地有唔同既證書課程去進修，香港人眼中睇唔起既藍領都可以慢慢升title去到認可既master grade，重要既係你有幾大熱情去投入社會同工作。

Danny係NZ有一個朋友，幾年前由中國去紐西蘭讀西廚取得本地資格，再工作拎到技術移民身分。而家就讀緊航空相關既課程，計劃轉職到飛機師。係踏出自己既comfort zone前，好多野都會睇落遙不可及，但突破左呢一步，不再畫地自限，會發覺出面既世界比相像中大，要達到既目標比相像中容易。

Kaikoura 海邊懶洋洋的海獅

#奧克蘭 #Auckland #紐西蘭 #NewZealand #威靈頓 #Wellington #基督城 #Christchurch #移民 #出走 #comfortzone #letitgo #WestRiceGoo #西米Goo #擁抱綿羊與蜜糖之地系列 #kaikoura

(2017–11–17)

傳送門：西米Go昔日文章

傳送門：捨棄中環生活圈，擁抱綿羊與蜜糖之地。