第三回：日本菜，有菜味！

有血有淚。香港人在東京轉職社畜（しゃちく）系列

講完住，自然要到食。我地出街食日本野，係唔會叫一碟油菜黎食。所以，你唔係日本住過，應該未必知道日本菜（我講緊一棵棵菜）係點樣。

日本買菜同香港買菜有幾處唔同：首先，係超市同便利店買都係預先包裝好，感覺上一定比街市衛生。包裝上面亦必定寫明原產地，當然，咁多款蔬菜，一般人係唔會分辨到邊款係邊個縣種既先至好味，但顧客起碼知道黎自邊度，都已經放心。至於會唔會有偽造產地證呢類事情呢，就睇你信唔信日本啦，反正我就信了。

同香港買到的中國菜相比，我覺得日本菜就算唔落調味白灼，都可以入口。（香港果D，淡茂茂，好似咬緊一堆纖維咁）價錢又唔係貴好多，我就覺得好好喇。

菜，全部都係正菜

(2017–11–25)

傳送門：有血有淚。香港人在東京轉職社畜

傳送門：西米Go昔日文章