Member-only story
第八回：第二樣要習慣既事：咪行錯路！
係德國，出街記得唔好行錯邊。有別於香港，路分兩條，行人路係磚路、單車路係柏油路，中間仲會用鐵欄、鐵柱沿路分隔開。德國既行人路，好多都係單車、行人一齊共用。為左安全，路邊會有標示，指出邊一邊係單車用，亦會以唔同顏色地磚以作區分、或者用另一種顏色既地磚砌成一條直線做識別。
香港人，習慣亂黎，唔單止老奉行單車路，好多時連馬路都照行，呢d「小事」大家一般都唔在意。德國人就相反，佢地重視規矩，你行上單車用果邊，或者企係單車路上面，輕則會比路過單車「叮」你，重則會比人粗口問候。
哈，呢d就係文化差異。一點小事，就暴露你唔係本地人。正如我地係香港，見到火車四位座有五個人，就知第五個坐上去既，一定係中國人一樣。
(2017-12-12)
傳送門：西米Go昔日文章
傳送門：80後出走德國去讀書系列
