Member-only story
第一回：新場
上回提要：由年頭開始，搞左足足十個月。終於、終於搵返公司聘請我既「初心」，去到公司當初想指派我既地方。上次既謎語而家開估，我要搬去德國西鄰一個小小國家 — 盧森堡。
盧森堡，國土面積只係比香港大一倍多D，人口有六十一萬。六十一萬人即係幾多？比元朗人口仲要少三萬，大約係大埔加粉嶺加上水咁上下。一般人對佢既印象，不外乎「細」同埋「金融」。的確，金融業佔盧森堡GDP三成半有多（vs 佔香港GDP兩成），佢主力唔係發展股市，而係幫有錢人管錢。有唔少私人銀行、保險、金融服務相關既公司，都係呢度設立office、甚至總部。不過，我間公司與金融完全無關。
呢個內陸國家畀三個國家包圍：左面有法國、右面有德國、北面有比利時。而且有一半人都唔係盧森堡「原居民」，因此佢地有三種主要語言。英文雖然唔係官方語言，但好多人日常生活係用英文溝通（例如我）。
好可惜，近排武漢肺炎係歐洲又嚴重左，想禮拜日去下法國、比利時即日遊都唔得。唯有留返係盧森堡，做本地遊客。2016年ViuTV一套節目叫〈歐遊全細界〉，當中第七、第八集就係介紹呢度 。如果大家都想了解多D，可以去睇睇（官網、B站都可以重溫）。
另：我正式開左自己既facebook page，叫「90後港盧」，會keep住post下靚相、寫下野……短文呢，兩邊都會繼續出，請大家多多支持，like我個page啦。
(2020-11-16)
傳送門：〈90後港盧〉下一回
傳送門：〈80後出走德國去讀書〉系列
傳送門：〈有血有淚。香港人在東京轉職社畜（しゃちく）〉系列
傳送門：〈捨棄中環生活圈，擁抱綿羊與蜜糖之地〉系列
