Member-only story
因為「粟米斑塊」無石斑而觸犯商品說明條例，被香港海關控告既富臨酒樓集團，已經將菜式名稱更改為「粟米魚塊」。
有明報記者早前扮顧客去到佢地葵涌分店，查問有關「粟米魚塊」既事，葵涌經理話名稱改左，但使用的材料沒有改變，又指「其實魚塊即是斑塊」。
記者再問原本餐牌上寫「石斑」是否正確，食材是否有用石斑，經理話：「其實係啱㗎，斑塊同魚塊其實一樣，都係嗰種魚」。
記者再追問菜式是否用上鯰魚，經理謂：「我哋唔係（用）鯰魚，我哋用海魚，即係海魚龍躉，粟米龍躉魚。」
最後，記者表明身分，果個葵涌經理即刻封後門，話現時不能回應記者，將交律師回答有關事宜云云。
一間連鎖酒樓集團既經理，可以諗都唔使諗就將平價雪藏鯰魚吹到係龍躉，仲連續講幾個大話唔眨眼。可見佢工多藝熟，平時都係一個吹水吹到天花龍鳳，博d客唔識野就亂up一通既sales黎。
所謂上樑不正，間酒樓有咁樣既經理，我就好懷疑佢地既買手、廚房、洗碗清潔員工做事會均真得去邊。
呢d咪就係今時今日，香港「服務性行業」既人辦lor！我諗大家都見怪不怪架啦，呵？
(2017–12–24)
傳送門：西米Go昔日文章
