Member-only story
是咁的，今日公司黎左位靚女新同事，成班厹男同事（包括我），即時好想溝佢，但無從入手 。
好好彩，頭先我地一班人去食晏。食食下飯，靚女同事講起，佢張八達通好似無錢，想去最近地鐵站check下。
呢個時候，用開ios系列既男同事Steve，好似鬼上身咁，即刻拎部新買成皮幾野既iPhone XS max出來，話要幫佢搵地鐵站。
我不動聲色，係褲袋拎部外表同spec都差唔多，但抵玩好多既小米8出來。輕輕捉住靚女同事隻手仔，將佢拎住既八達通係我部小米機背一「do」 ，內置NFC既小米已經讀取八達通資料，餘額show左出黎。
靚女同事驚訝到不得了，Steve仲贛鳩鳩、口啞啞，拎住佢部iPhone，睇到眼到突埋。
靚女對我部機好好奇，好想玩。我就比佢玩，佢拎上手想解鎖時，見到部小米前置cam影住佢個樣。
佢笑笑口話我古惑，想影佢個樣喎！ 我笑而不語，示範一次小米面容辨識解鎖功能。
靚女見到，即時話要試下部機可唔可以同時認兩個樣喎！ 我地就好開心面貼面咁比前置cam認我地個樣。Steve拎住部iPhone睇到咬牙切齒。Well，要怪就怪Apple，成日都吱牙膏式推出新功能，面容識別呢樣野我地玩左好幾年，你而家先出FaceID，實在太out了。
又食食下，靚女同事話呢個星期日想搵人一齊行山，想知到時有無雨喎！
Steve覺得係時間比佢威番次，即時九秒九用部iPhone猛掃，想從一堆icon中搵番個天氣app。
唔洗講都知，一路用開Android機既我，早就善用widget功能。一直set好天氣widget係電話桌面，所有資料一目了然。
誰不知，呢個時候，靚女同事竟然擰轉頭，問Steve星期日得唔得閒陪佢行山！
我即時呆左！我望望Steve手上果部iPhone XS Max，再望下我拎住既小米8，終於悟出一個人生大道理。
原來買iPhone既人，並唔係追求性能，而係追求性功能。
換言之，買小米得到嘅只係性能；買iPhone得到嘅係囡囡同性功能。
〈本潮文出處不詳，如有雷同，實屬不幸〉
(2018–12–02)
傳送門：西米Go昔日文章
