Member-only story
Oxford English Dictionary（OED）近日有季度更新，收錄「加油」既直譯add oil入去。根據OED解釋：「add oil」源自港式英文，廣東話讀做「ga yau」，表達鼓勵、煽動、支持，相當於英文「go on！」或「go for it！」。
同早前同樣被OED收錄既「Long time no see」一樣，我地當年讀書上英文堂，寫/講呢類港式英文，實畀老師話錯。而家得到權威詞典肯定，以後可以堂堂正正咁用啦！希望粵文入文同樣能夠得到更廣泛認可，等我地呢班廣東話人，可以我手寫我心。同時，我地既下一代學習中文，唔使事先轉換思考模式做書面語才寫作，可以直接以母語落筆。
近年，以中國為首既北佬文化主導整個華人文化圈。除左操普通話（Mandarin）既人數極多，以量取得絕對優勢，更因為中共為左加強對人民控制，極力打壓非官方認可既文化同語言。例如粵語被貶為方言；閩南語、吳語之類，於當地學校不教、電視台不用，只剩底老一輩人先識而逐漸消亡。嚴重既好似新疆咁，直頭搞集中營（美其名「再教育營」），唔准新疆人講新疆話，搞文化清洗。加上外國傳媒入面有好多XYZ人，搞到外國人只見到jiayou（加油）、dama（大媽）、tuhao（土豪）呢D中國式用語。所以，今次「加油」唔係以普通話音譯jiayou進入OED，而用港式直譯的add oil，我作為香港人除左喜出望外，更因為身份認同而多一份自豪感！
為左繼續守護我地既語言，大家都要add oil！
#香港加油 #香港人講廣東話 #唔識聽就返鄉下
(2018–10–18)
傳送門：西米Go昔日文章
