Member-only story
「我後悔終日忙於工作，没時間陪伴屋企人，要是再能活一次，我絕對不會再這樣。」
by 中國首富，阿里爸爸創辦人馬雲@韓國放送公社專訪，2015年5月（註一）
VS
「今天中國BAT這些公司能夠996（i.e. 朝九晚九、星期一至六），我認為是我們這些人修來的福報。」
「加入阿里，你要做好準備一天12個小時，否則你來阿里幹什麼？」
by 中國首富，阿里爸爸創辦人馬雲@員工交流，2019年4月（註二）
上回講到，無償OT既由來。
香港班打工仔，都叫經歷過那些年work life 有balance，加班有回報既年代。曾經，「命運能選擇」，我地有得揀hea定唔hea：勤力既，五點鐘收工，大把時間畀你做多份秘撈。係中國，就無好彩喇！
大家唔好有錯覺，以為身處發展成熟，無乜增長（甚至開始走下坡）既地區/行業，打工仔先至需要用「時間」換取「競爭力」。睇下中國呢個自稱發展中國家，首富馬雲創辦果間阿里爸爸，唔單止食正新經濟、互聯網2.0大浪，仲要係科網龍頭，寡頭壟斷緊十幾億人咁大個市場。呢間公司正值如日中天，要錢有錢，要人有人，大有條件「大撒幣」，就算唔學下美國同業咁實實在在厚待員工，按中國傳統「發財要立品」既智慧，理應賣下口乖，做下門面野，關顧一下員工生理/心理健康吖。
誰不知，土豪就係鍾意霸氣外露。馬老闆早幾日就要求班伙記一星期六day，日日十二碼，仲要話此乃「福報」。奴隸主chur盡奴隸，仲要佢地感恩，果然係中國。與古時皇帝賜死，大臣要叩頭謝主隆恩一鬼樣！
鬼佬哈佛business school吹捧既work life balance管理哲學，可以係階級觀念極重既日本發芽。日本政府同企業，近年開始正視過度OT而導致「過勞死」問題。但係，似乎未能感召一眾華人老細良心發現。馬雲今次堅定不移走有中國特色奴役員工之路，結合自古以黎固有既太監文化，同港豬信奉既「公司唔係開善堂」「最緊要有工返」等等中環價值觀，實是符合國情。之但係，佢地有無諗過，他朝一日，當公司增長放緩，業績倒退果陣點算？唔通，到時要係公司紮營，先能夠保持自己競爭力？
Common sense話畀我知，一條平時已經拉到行既橡筋，下場只得一個：斷左，掉左佢，換過條新。
註：
- 〈韓國光復70周年，未來30年《環球經濟，開創亞洲新時代》〉，KBS 1TV，2015–5–23
2. 〈Jack Ma Draws Controversy by Lauding Overtime Work Culture〉，Bloomberg，2019–4–12
傳送門：西米Go昔日文章2019
