【晴天霹靂，永遠懷念】四叔收購香港UNY/Apita/Piago

未改名為APITA之前，太古城巨型UNY招牌

Oh no！聽到呢單財經新聞（註一），第一個反應就係晴天霹靂。九十年代DJ組合「軟硬天師」hit歌都有得你唱：「生活既倉庫我會走去UNY，大丸有名貴雪糕糯米滋。（註二）」那些年，崇日年青人朝聖地 — 日資百貨 — 係香港已所餘無幾。（二十幾年前未有廉航，搭飛機去旅係高消費活動。果陣時一年去一次日本已經係中產生活架啦，邊似得而家咁，住公屋、住劏房既都一年去三幾次咁cheap？所以要感受日本生活唯有去日資百貨公司止止渴。）

香港淨底既「日式百貨」之中，Sogo同一田仲要走晒樣變成山寨版。香港Sogo個老細係本地富豪「大劉」既細佬劉鑾鴻；香港一田母公司係本地大地產商新鴻基。兩間野雖然越做越大，但賣既野一D都會唔「日系」。無論專櫃、foodcourt定超級市場，大部份都只係周街都有既大路牌子、普通貨色。真正日資公司，除左UNY/Apita/Piago系列，只剩底Aeon （i.e. Jusco吉之島）

太古城UNY除左係香港人既集體回憶，亦係香港最後既樂土！港九新界同離島，你搵唔到搵到邊區比太古城更少中國人吖？我真係唔想見到佢變成另一個沙田/屯門呀！

Be mercy！四叔，你買左UNY之後，千祈千祈千祈唔好為左賺到盡，搞埋咩感謝祭、旅遊巴邊境接送、引入大量化妝品同名牌手袋counter……一車車中國人拖住gip、打晒蛇餅，逼爆太古城既情景，我真係接受唔到囉！

四叔，請高抬貴手，積下陰德，放生香港人啦，please!

#生活既創庫我會走去UNY #最後樂土

註：

1. 〈四叔斥三億購UNY港業務 包括APITA及PIAGO〉，蘋果日報，2018–5–25
2. 〈 川保久齡大戰山本耀司〉，軟硬天師，1990

(2018–5–24)

傳送門：西米Go昔日文章2019

傳送門：【港女最愛】Lady M 月餅原來奇華代工，但賣貴一倍！

傳送門：呢首卡通片主題曲，你聽左未？