【技術文】申請讀德國大學：四、入學準備

當你收到大學的入學通知書﹐首先我真係恭喜你﹐代表你的人生將會有新的旅程﹐你唔再係一名港豬﹐而將會係一名浸過咸水的留學生。

（注意：以下資料只供參考，不保證完全正確，如有疑問請向德國大使館、相關大學或所屬機構查詢）

收到入學信﹐第一件事係要知道點樣申請簽證。德國大使館有列出你需要遞交的文件﹐注意你而家申請的係student visa 而唔係student applicant visa﹐兩個係唔同visa。但你最好都係打電話問下大使館需要咩文件﹐仲再錄埋音!!!!!!!!(https://hongkong.diplo.de/blob/1482370/2dcc4860eeb396a224550af2cf4264c3/student-visa-data.pdf)

係到講下幾樣重要的野﹐第一樣一定係Blocked account (“Sperrkonto”) 。Blocked account係一個特別的銀行戶口類型﹐作用係為左證明你係有錢留係德國讀書生活。申請個陣你需要將錢存入去呢個戶口﹐咁入幾多？2018年的要求係每一個月720歐乘你留係德國的時間(註1)。係你到左德國後就會每個月退番720歐錢比你。咁有咩銀行可以提供呢個服務？以前係只有德銀提供﹐但而家就可以選擇fintiba(我就係用佢)同埋X-patrio (2018年先新提供)。開設Blocked account需要起碼一至兩個禮拜﹐甚至超過一個月﹐所以第一樣野一定係搞左佢先。

分享開fintiba 經驗

Fintiba比德銀好的地方係所有野都可以網上搞晒﹐如果你用德銀﹐就首先填完表拎去大使館蓋印﹐然後再速遞到德國的德銀處理。就咁聽都已經覺得煩﹐而且德銀的做事效率認真一般.......

係fintiba填晒資料﹐再upload passport之後就會叫你去電匯筆錢﹐完成左之後﹐佢地核實好晒就會比一封信你﹐證明你開左個blocked account﹐你就係拎住呢封信比大使館做證明。

第二樣野係德語證明﹐如果你讀的係德語授課﹐就要提供德語證明﹐通常都係要求B1。但如果係好似我咁用英語授課﹐咁就唔使﹐但係申請個陣要有證明係用英文授課。如果封入學信有寫到就當然最好﹐如果無的話最好就係叫大學出番個證明話係英語課程。

你係需要係大使館網上預約時間去申請簽證﹐要留意的係你係申請National Visa (long-term stay, over 90 days)﹐大約可以預約到一個禮拜後的日子。

Appointment for Visa