【我們不應成為自己土地上的租客】

近日紐西蘭國會通過法案，限制外國人於當地買現樓（二手樓），以遏止樓價升幅。財政部副部長David Parker在國會演說中表示：

「…紐西蘭房屋與農地市場，應該由紐西蘭人主導，而不是外國人。……我們不應成為自己土地上的租客。」

咁簡單，咁純綷，咁make sense既理由，香港官員就係唔敢講出口。明明外來人太多先係樓市gogogo既根源。大家都睇到，新落成公屋家家戶戶都講普通話；正常size既私人樓價錢，絕非一般本地家庭負擔到，但照樣人頭湧湧……偏偏一眾高官權貴就扮睇唔到。

扮睇唔到都算，最氣頂既，佢地仲要火上加油。左一句「中國人要團聚」（點解團聚地點一定要香港既？），右一句「需要輸入專才」（炒黃牛飛既IT專才？）。然後例排同你講「大灣區機遇處處」，一副「你住唔起就請便，唔留」既咀臉（先前就前海、大西北、上海、北京……總之中國永遠機遇處處，但你從未見過班高官權貴舉家返上去，去把握佢地口中既「機遇」架喎！）。

歸根究底，就係「誰是老細，就為誰服務」。紐西蘭政府權力來自國民，所推行政策，自然就會維護國民利益為前題。而香港政府，連母語係咩都避而不答，又點敢承認「自己土地」？又點敢同香港人講「我們不應成為自己土地上的租客」呢？

#香港樓市gogogo #紐西蘭禁外地人買樓

(2018–8–19)

傳送門：西米Go昔日文章