Member-only story
「 香港不能靠外國，也不能靠暴力升級，要靠全港的道德反抗。」
-余若薇 ，2019–9–3
那些年，吳靄儀、余若薇決意投身政壇呢趟渾水，一面舌戰立法會入面既邪魔妖孽、一面以法理條文力頂霸道政權，果種正氣、果份氣場，睇到我地目瞪口呆。係你地話我知，做反對派，唔一定要掟蕉抬棺材，一樣可以高貴優雅。
及後，議事堂淪為胡鬧街市，你地或許感到意興闌珊（註一），決意淡出，我地係諒解既。畢竟，唔係每一位女子都如「鼠王芬」、「元秋」之流，愛玩泥漿摔角。我地知道係議會外，你兩位一樣會利用本身專業知識，為公義發聲。
今日，見到余大狀facebook轉貼一份澳洲報紙社論（註二），然後附上文首果句comment，我既心情真係好複雜。「不能靠外國」、「不能靠暴力升級」、「要靠全港的道德反抗」三句說話，句句都難聽過粗口。香港班中產專業人士，平日堅離地、活係平行時空，見識唔同，我笑下便算。但你係立法會做左三屆議員，與中共交手十幾年，都仲未訓醒？實在天真到匪而所思！作為同路人，我都唔想忍心落井下石，再講D咩。余若薇，請你自己睇留言，好好思考把啦：
Tam Pui Chuen 你同一個無賴殺人政權講道德，仲要叫人唔好靠外國靠道德反抗？唔好講笑啦。
Sunny Li 阿余大狀，你地班泛民玩左廿年和理非道德反抗啦，結果爭取左D咩番來？係「零」阿。我只係見到香港每日更加淪落。
邱文勁 余大狀幾時上前線示範感化黑警？
Chan Ka Ice 係香港政府教識市民和平表達訴求係無用！唔靠外國唔通靠泛民主派？
Xavier Lai 唔靠美國點樣對付世界上最大型黑社會呀？唔好痴人說夢話啦，用道德感召三權失效嘅軍政府？咁樣只會害死香港人。
Shirley Chiu 邱吉爾都搵美國參戰啦。點解香港人唔可以搵美國幫忙。
Leo Ho 唔識野既，睇一次〈Winter on Fire〉先
Missc Hk 唔該飯民廢物唔好再用「和理非」去美化自己同班淆底港豬，你哋係從來無都盡過真正和理非嘅責任（e.g. 罷工）
Jason Lam 靠你哋啲道德反抗，612已經過咗「送中」了。多謝晒。
FatFat Chan 假若道德反抗能成事，邊有人願意「勾結外國」，邊有人會去勇武抗爭？因為外國的利益，保護今日的香港，否則香港一早變新疆。你叫大家道德抗戰？高呼「香港最黑暗的一日」、中共可恥、然後譴責？
浩然 以前極度尊敬余大狀，呢一刻只想講你收x啦…對方毫無道德，你叫人道德反抗？你仲想死幾多人呀？你叫被拉果過千人點算呀？你叫爆眼、骨折、下落不明果啲點算呀？
