Member-only story
2018年起，中國收緊回收物料進口標準：廢紙要先經分類和不可混雜質；廢膠就要升級先製成再造成原料。唔合符新標準既廢料唔畀入口。
因為咁，香港既環保署就建議市民，以後只集中回收「三紙兩膠」：
- 三紙：紙皮、報紙和辦公室用紙。
- 兩膠：1號膠（PET）如飲品樽，2號膠（HDPE）如沐浴露樽、洗頭水樽。
其他類型既紙同膠，叫你咪擺入回收筒。
呢個又係「背靠祖國」既後遺症。咁多年黎，香港政府係垃圾回收呢方面純粹做收買佬既角色，叫市民分門別類，畀佢運返中國賣。而家，呢個單一買家話唔要，你就即刻無生意做。
點解政府咁多年黎，完全無長遠政策，唔去學下歐洲咁，發展自己既回收業，自己垃圾自己再造呢？點解又淨係識依附「祖國」，唔搵其他海外買家，等我地唔使畀單一國家政策左右呢？
香港政府淨係識得打劫市民：膠袋已經要畀錢、掉大型電器又要畀錢、掉家居垃圾將來又話要畀錢……收到既錢都唔知去左邊，我就睇唔到有用黎發展過相關行業、技術。
環保署一日到黑話「源頭減廢」，同TVB東張西望每到年尾電費要加價，就教你點慳電一樣：低能又反智。我減到神早就減左啦，使鬼你年年講一次咩。
好喇，而家中國落閘，廢物既出路問題燒到上眼眉，你直頭乜野對策都唔諗，索性叫人唔好回收，拎去堆填。望返轉頭，政府咁多年黎，其實乜都無推進過，一切返回起點。班白逗高薪既垃圾官員，應該自己回收啦！
(2017–12–21)
傳送門：西米Go昔日文章
