Member-only story
【唔通，要晨早七點半排定隊投票？】
好多網民叫人，選舉當日晨早七點半，就去票站排定隊等投票。我覺得千祈唔好：
第一、 選舉事務處已經澄清，票站如果提早關閉， 投票時間一係延長、一係押後到12月1日。唔會只計朝早既票；
第二、如果大部分黃絲晨早就曬馬，保皇黨透過票站調查員（心照啦）可以一早計到果區既勝算；
第三、佢地將會有大半日時間補救。有人話，區議會選舉係單議席單票制，唔似立法會選舉，無得「配票」架喎！但係，保皇黨同中聯辦一樣可以係關鍵/搖擺選區，集中人手打地區告急牌，針對性地密集宣傳；
例如，平時蛇齋餅粽收收埋埋咁多「沉默的大多數」街坊既地址電話，佢地可以派人洗樓、打電話催票。又或者出動多幾部旅遊巴，去多幾間老人院接載「掌心雷」；
第四、除非自己十拿九穩贏硬，想曬馬壯氣勢。打仗一般不宜過早暴露實力（i.e. 人數）。尤其係爭持激烈既選區，黃絲們神早排隊投票，等於前線示威者係連登公開行動細節，讓保皇黨有時間部署、調配資源救亡。
無論你幾點去投票都好，記得、記得、記得（很重要，要講三次）帶身份證正本呀！
(2019–11–23)
同場加映：
係黃係藍，呢度一眼睇清！
傳送門：西米Go短評 #001–100，#101–200，#201–300
傳送門：很高興，泛民大狀終於夢醒了！
傳送門：衛生署不敢/不想/不會告訴你的事
