Member-only story
59歲新任律政司司長鄭若驊，一上任就畀傳媒踢爆所住獨立屋僭建地下宮。同時被揭發，其隔離鄰舍、年紀大佢20年既潘樂陶是佢丈夫。
呢個潘樂陶，人生極其精采，佢本人係香港大型工程公司老細，亦係工程師學會前會長。
1995年，潘生與前妻所生既幼女車禍身亡、2000年長子自殺身亡、2008年時任妻子簡麗群發現潘生與女下屬發展婚外情，二人2010年正式離婚並打官司分身家，單case一路上訴到終審法院，2014年，前妻勝訴，獲判逾7.6億元巨額贍養費。（有傳媒今日向潘樂陶查詢係點樣與鄭若驊結緣，佢未有回應。）
另外，潘生果間安樂工程，亦曾捲入澳門運輸工務司前司長歐文龍貪污案，佢係2004至2006年間，承接多項歐文龍批出既工程合約，價值三億澳門幣。
今日，潘生更上一層樓，做埋律政司司長既老公。佢有利、有名、而家又有權！仲要唔係人大政協呢d所謂「國家領導人」虛銜，而係做手握實權既政府第三把交椅背後既男人！
咁精彩既一生，夠TVB開拍溏心風暴4啦，係咪？
Btw，鄭若驊家庭背景咁複雜，唔知會點去說服市民佢會「公平公正」呢？話晒佢個位，有Justice呢個字架嘛！
又btw，不如呢，叫鄭若驊搵李飛up兩句，話「人大決定」將佢屋企以「租賃形式」讓左畀中國，唔行香港普通法，咁僭建問題咪唔存在lor。反正咁做，西九高鐵站「早有先例」嘛。
(2018–01–06)
傳送門：西米Go昔日文章
