Member-only story
自「港珠澳大橋」上個月通車，每逢周末東涌就人頭湧湧，大批中國自由行逼爆商場同食肆，巴士站又大排長龍。區內唯一私人商場「東薈城outlet」等左咁多年，今日終於守得雲開，租金好快媲美市區一線mall。
唔單止大業主又贏，當區居民亦「成功爭取」，共享中國人榮耀。拿，無屈佢地架：東涌北區議員係新民黨傅曉琳、東涌南係民建聯周浩鼎、逸東邨北係民建聯鄧家彪（註一）。三位都係民選議員，有晒民意授權。即係話，大部份東涌人都愛國愛港啦！而家佢地做咩唔高興？好應該「蝗軍來了我帶路」先岩喎！
為左安撫居民，民建聯周浩鼎竟敢公開話中國遊客太多，情況「水浸眼眉」（註二）。佢仲建議政府特事特辦（i.e.有法不依），容許旅遊巴係大橋關口直接載走遊客，去香港各區shopping，要分流咁話。
嘩！即係舊屎你唔想食，就塞畀其他人食？周議員咁無品既！你細個果陣，你阿媽無教你咩叫「己所不欲，勿施於人」既咩？
當初政府話要起港珠澳大橋果陣，講到明會「帶旺」東涌，周議員/民建聯大力支持，話利民生創就業架喎！而家做乜有財神都唔接，係咪未富先驕先！
p.s. 東涌班人都係唔抵幫架啦，見到上水、沙田、元朗、荃灣咩情況都唔識驚。唔出聲反對港珠澳不特止，仲屇屇都選埋民建聯d人做議員。呢d，叫自作孽！
註：
1. 〈2015年離島區區議會選舉結果〉
2. 〈周浩鼎：東涌「水浸眼眉」 倡准旅巴載散客至各區〉，星島日報，2018–11–10
（2018–11–11)
傳送門：西米Go昔日文章
