Member-only story
呢首卡通片主題曲，你聽左未？
叮噹雖然算係陪伴西米成長，不過我對佢唔係特別偏愛。呢d「兒童向」卡通片，低低BB咁，幾十年黎集集套路、劇情、對白、人物設定都一模一樣，你係唔會分得出which is which。講真，無無聊聊既假日上晝，就算電視免費播都未必會睇，更遑論買飛入場？
咁，點解忽然會係呢度提起舊年既叮噹劇場版呢？因為佢首主題曲：「ドラえもん」。
為左紀念「平成最後の大晦日」（i.e. 2018年除夕），同埋想聽米津玄師第一次live唱「Lemon」，我上星期特登上網睇直播「紅白歌合戦」。被安排係米津之前出場既，係星野源唱新歌「アイデア」（IDEA）。
星野源係邊個？佢咪就係2016年尾大熱日劇「逃避雖可恥但有用」入面，唱埋主題曲既男主角……well，如果你係00後，平時只煲中國劇/韓國劇，咁可以按上一頁唔使睇落去喇。
我一路睇紅白一路google，原來舊年果套叮噹劇場版，主題曲又係佢唱既。估唔到又有驚喜，首歌曲風輕快、有趣、跳脫、充滿童真。其中一句：「多多多多多多多多多多啦eh摸唔。」就算唔識日文，都聽得出好似大雄好緊張、漏晒口咁叫住叮噹個名搵佢求救咁。
Anyway，音樂既野太抽象，難以用文字形容。你睇當年會考中文科篇範文「聽陳蕾士的琴箏」就知，咁多屇考生，無一個唔屌晒鬼。試圖形象化音樂既人，永遠唔會成功。
大家如果想用耳朵感受呢首有點特別既叮噹主題曲，可以google搵串流、上網買碟、或係此post留言，我會分享返於網上搵到既CD rip下載link。
p.s . 同場加映，記得聽埋果隻碟第四首歌「ドラえもんのうた(House ver.)」，實令你驚喜！
#叮噹 #多啦A夢 #MP3 #FLAC
(2019–1–9)
傳送門：西米Go昔日文章2019
