Member-only story
由8月3日起，曼谷、清邁、合艾同布吉等五個有中國直航既泰國機場，新增設中國遊客的專屬VIP入境通道。
表面原因就係中國遊泰人數太多，要分流、要有個「專屬櫃位」懶係服侍呢班貴賓。暗底就係仿效西方高級商店，實行種族隔離。係外國，有部份中國遊客熱門幫襯既酒店，餐廳會另外開闢一個偏角，專serve中國旅行團或三五成群既中國自由行。由得班大媽係度大呼小叫，屁孩周圍走周圍跳，都影響唔到其他用膳既客人。
同一道理，泰國機場咁做，就係等班中國旅客自己人打自己人。就算有排隊打尖、霸位爭執、拖gip碌腳、拳來腳往……都純粹係佢地之間的事，唔會影響黎自其他地方既旅客。要知道，遊客入境體驗係對該國第一印象。泰國當局為左確保各國旅客唔會一開波就掃興，搞兩條隊出黎，真係一項德政。
之不過，大家咪開心住！有香港網民報料，表示持有香港特區護照也會被歸類為「中國旅客」，同樣需要排呢個特別通道入境，被共享中國人榮耀！
呢下真係晴天霹靂，大大傷害一眾港男港女既心靈喇！試問除左維園阿伯、係天水圍跳廣場舞既新移民婦女、假日去深圳飲喜茶食海底撈既00後、同埋一眾愛國愛黨既高官權貴議員之外，又有邊個香港人會鍾意被視為「中國人」呢？
睇黎，大家收係櫃桶底既BNO係時候要拎返出黎續期了！
更新：
泰國曼谷素萬那普機場8月8日接受《蘋果日報》查詢，原回覆持有香港特區護照和台灣護照的旅客，也可選擇使用中國旅客VIP通道；後來又澄清，香港特區護照和台灣護照旅客不能使用該通道。
VIP通道只提供給持落地簽證的中國籍旅客，泰國其他機場也採取同樣措施。
好彩咋！
伸延閱讀：
#泰國特別入境通道 #中國遊客
(2018–8–8)
傳送門：西米Go昔日文章
