Member-only story
近排，香港某老牌中資細銀行同美國漫畫公司DC Comics合作，搞crossover。佢地拎Justice League人物（i.e.蝙蝠俠、超人果堆）黎做新一批提款卡既設計。原因係佢地現有客戶年齡層偏高，平均五十歲，銀行希望呢款新卡可以吸引多D後生仔黎開戶口，拉低返條curve咁話。
要重塑銀行形象，呢個idea本身夠穩陣。因為另一間大銀行早係十幾年前開始，已經搵Disney/Marvel合作，印卡通/漫畫人物係存摺、支票、提款卡，反應係唔錯。有珠玉在前，理應無問題先係。點知，今次呢間老牌細銀行實行起上黎出晒事！
我都唔知係咪marketing畢直唔夠，定係由一堆脫晒節既老野管理層負責拍版。最終揀出黎既卡面設計完全錯晒。
DC Comics有咁多野好揀，佢地偏偏走去揀最old school既漫畫風格，而唔係係賣座又入屋既電影系列入面搵靈感。大佬，家陣仲邊有後生仔睇美國漫畫架，個個都係透過電影去認識班superheros架啦。好似Aquaman咁，係電影上畫之前，D人識佢老鼠咩！
你睇下上面張圖：
左邊係今次要發行既新卡；右邊係舊年一間台灣銀行出既卡。大家同樣都搵DC聯乘，但出黎個效果差好遠。左面果兩款，十足十我地八九十年〈龍虎門〉、〈中華英雄〉果類本地漫畫入面既插畫。的確，同呢間細銀行既老土/老餅形象襯到絕！100% match！出呢兩張卡畀中坑「來忘掉錯對、來懷念過去」就最岩。之不過，今次呢個promo，目標客戶群係班後生仔果下弊呢。咁老土點拎出黎用呀？一般90後/00後，十個有九個會揀右面果三款。人地用電影造型，型好多囉！
#南洋商業銀行 #DCComics
圖左：〈轉攻年輕客戶 南商推正義聯盟主題提款卡〉，橙新聞，2019–2–18
圖右：〈華南銀行icash 聯名卡-DC宇宙系列〉，CardU新聞網，2018
(2019–2–21)
傳送門：西米Go昔日文章2019
傳送門：【Fake News】「港版羅拉」原來只係公關鱔稿。
傳送門：【新年新豬肉！賀歲卜卜豬！】
