Member-only story
一、退休高官俱樂部：平等機會委員會
平等機會委員會（平機會），香港一個獨立法定機構，負責執行〈歧視條例〉，例如基於種族之騷擾及中傷行為，亦負責調查及調解投訴個案。歷任主席多由退休高官出任，包括前法官、前局長、前處長等。多年前已被傳媒譏笑為「退休高官俱樂部」。（註一、二）
我無係西方民主國家生活過，無資格評論外國。我只知道，逢係華人社會，其官場都有個特點：「做得久既官，必變成『久官』。」所謂因果因果，因同果本是互通，所以，上面呢句說話，掉轉黎講亦可：「只要是『狗官』，必能做得長久。」大家埋黎睇下，平機會呢個退休高官俱樂部，逗緊二十八萬月薪，做左幾十年官既廢老們，所講既野可以有幾狗。
事例一：
2013年，「愛港力」去港台總部示威，拉起橫額，寫住「不要英國狗，餘孽請早抖」。畀人投訴「英國狗」三字涉嫌觸犯《種族歧視條例》。
平機會當時回覆：
橫額中「英國狗」一詞，只意指與英國有政治聯繫的人士，不是針對英國民族，故認為未犯種族歧視，不會就事件作出跟進。（註三）
事例二：
2014年， 針對中國旅客數量無限增長，逼爆香港，本地網民自發「廣東道驅蝗行動」。
時任平機會主席周一嶽（佢本身係退休局長）即刻譴責示威者行為「不文明」，並表示一些字眼 — 如「蝗蟲」、「支那」等 — 明顯帶有貶義。又話平機會將考慮相關言論是否帶有種族中傷的含意，根據《種族歧視條例》，任何人如基於某人的種族而歧視、騷擾或中傷該人，即屬違法。
佢仲話將會研究立例，禁止歧視來自境外的人士。（註三）
事例三：
2019年，警員經常鬧示威者做「曱甴」。 警民關係主任公開係電視節目話「無需 overinterpret『曱甴』兩字」，仲話「調返轉頭，曱甴從正面去睇係咪好有生命力呢？」（註四）
今次，睇下現任平機會主席朱敏健（佢係前監警會秘書長）點講：
不恰當。不過，涉及昆蟲或動物的稱呼，如未有觸及法例內容，平機會就不會跟進。
