Member-only story
後生仔個個都話要「搏盡無悔」，原來做壞人都一樣要咁。今日報紙有單法庭新聞，被告就係因為拖泥帶水做得唔夠盡，唔單止單野衰左，自己同同謀要坐監，仲連累到無辜既老細要賠錢，搞到公司執笠、同事失業。案情呢，是咁的……
女被告係一個股票經紀，佢個客輸左三百萬走數，公司要佢填氹。因此，佢心存歪念，諗住向身邊既人打主意喇。
佢有兩個有米親戚（一個係長居澳洲既表弟，一個係佢家姑個妹），好信得過佢。九十年代開始，已經係佢緊做果間證券行開戶口，總共擺左成億港紙股票。佢地唔單止授權女被告代為操作戶口；仲用埋佢地址，月結單寄去女被告屋企添。
呢個女經紀，為左填數/貪念，擅自賣晒呢兩個戶口入面既股票，套現一億一千萬。之後為左掩飾罪行，又串通證券行既交收文員，係電腦系統做手腳：輸入虛假存賬記錄，出假月結單。後來，呢d假紀錄畀人發現，先東窗事發，畀人告。
去到呢度，大家可能覺得呢單案睇落無乜特別。香港地日日都有人畀人呃錢架啦！做得乾淨俐落既，唔會畀人拉不特止，撈到風生水起既大有人在（好似果個幣少咁）。今次呢單野，其實一樣可以做到乾乾淨淨，就係因為被告去得唔夠盡，先至出事。
點解呢？大家可以諗下，西米下回再講。
#搏盡無悔 #騙案
伸延閱讀：
〈7年間挪用親戚總值1.1億元股票 七旬女經紀判囚11年3個月〉，蘋果日報，2018–12–22
(2018–12–22)
傳送門：【做壞事，亦要搏盡無悔！】二之二
傳送門：西米Go昔日文章
