Member-only story
過埋今日，各位九十後將陸續步入三十之年；八十後既朋友仲慘，都要成為「四字頭」大叔大嬸了。
你們結婚了嗎、買樓了嗎、生仔了嗎？有拜拜肉了嗎？出現地中海了嗎？如果人生有八十年命，你們已經過了一半，過左既仲要係最開心既一半：無論水嫩、白滑、緊緻；定係活力、體力、一晚七次……will be gone, forever。
趁仲有時間，讓深澤七郎帶領我們，去重溫那即將逝去的青春。
深澤七郎（1914–1987），日本作家，為人熟悉作品係 《楢山節考》：
「傳說古時日本，有條好窮好窮既鄉村。佢地有個規矩：村民凡年滿七十歲，必須離村，由家人孭上「楢山」，由得佢係荒山野嶺自生自滅。呢個「棄老」傳統既背後原因，係因為條村太山卡拉，長年糧食不足，村民唔夠食。老人去到七十歲，缺乏競爭力/生產力，只會白食白住，係一個負累。所以，掉左佢地最合符成條村既整體利益。」
深澤san除左寫小說，原來仲曾經係七十年代初化身做「人生導師」。佢係一本雜誌有個專欄，解答讀者人生問題。係果個年代，作家好興Q and A 形式同讀者交流，香港班才子才女，好多當年都有寫乜乜物物「信箱」。
迷途羔羊不分年紀，但肯問人既，總係十幾二十歲果班。年輕人既煩惱，來來去去咪又係果幾味。No offence，but離唔開「為賦新詞強說愁」feel 。佢地一係為情而煩、一係搵唔到人生路向。 深澤san班fans都唔例外，所以，當年佢呢本「心靈雞湯」，就算四十年後既今日讀起黎都唔會覺得out。
（「大人」唔係無煩惱，只係一個人去到咁上下年紀，煩親都係實際野居多，就算問人都幫唔到咩手。加上，礙於面子，佢地心靈上有失落亦難於啟齒。尤其亞洲人思想保守，多數收收埋埋，連屋企人都多唔願意share，又點會同唔相唔識既KOL傾訴。）
以下，節錄自深澤七郎〈人間滅亡的人生案内〉，希望大家讀完之後，能夠稍稍釋懷，可以開心咁迎接未來：
Q： 我係一個藍領，放工之後，就算見到女裝衫鈕我都會當成螺絲，下意識想「轉」下佢。
（呢位朋友覺得生活苦悶無趣，就算見到女人，個腦都只會諗聯想起返工「擰螺絲」既工作。）
A：「工作係為左搵食，只要有糧出就好。『工作』同『人生』毫無關聯。工作只係搵食既手段。係工餘時間，思考自己想思考既野，做自己想做既野就好。我鼓勵你多做呢D事，要為自己而做。」
Q： 我性能力明顯衰退，無法「扑野」。
A：「性行為」耗費精力，性能力衰退可以讓你生活變得安樂。
Q：我天生厭惡人類，適應唔到群居生活。
