【真人真事】年齡測謊minigame

1. 星期日，西米一起身扭開電視，係J2台見到勇者仁傑、魔女歌莉、結他他老伯。 （問：電視播緊咩卡通？）
2. 轉睇ViuTV，又係卡通，〈美少女戰士〉，十幾位女角既全名不期然係心中背誦一遍，毫無難度。（問：請說出其中五個全名。）
3. 午間劇場，Now重播電影〈風雲〉，片頭主題音樂一響起，西米自然哼出「床上舞，_ _ _，難度夠，天粗！」（問：請填上歌詞。）
4. 趁賣廣告果陣望下無線「道地星期日影院」，元祖港女鄭秀文，用當時極之流行既勁重懶音腔係度撤嬌，耳邊傳黎男主角既歌聲：「美女變成老太婆…」（問：呢套咩戲黎？）
5. 睇完，肚餓落街，係Starbuck見到三個中學生圍埋一檯，起勢咁抄暑期作業。突然醒起，聽日係新一學年開學日。（終極問題：你對上一次放暑假係幾多年前既事？）

得喇得喇！我知我老喇，唔使一日之內remind我五次架！星期日，搞到咩心情都無晒喇！

Btw，暑期作業既野，填滿就得架啦，乜而家d中學老師咁得閒，會認真改既咩？

答案：

1. 〈咕嚕咕嚕魔法陣〉
2. 月野兔、水野阿美、火野麗、木野真琴、愛野美奈子、天王遙、海王美智留、冥王雪奈、土萌螢、豆釘兔。
3. 「碌野粗」
4. 〈夏日的麼麼茶〉
5. 呢個，心知好啦。

#童年回憶 #那逝去的青春

(2018–9–2)

傳送門：西米Go昔日文章