Member-only story
回帶去返二零一八年一月初，Trump總統正忙於同金正恩周旋北韓核問題，未得閒向中國發動貿易戰。習近平主席聲勢如日方中，對內叫人大投票，取消 國家主席（i.e.佢自己）兩屆任期限制；對外就大搞亞投行、一帶一路、中國製造2025，企圖與美國二分天下。
呢個時候中國中央電視台出左個綜藝節目《信中國》，搵左六十個老中青藝人，透過朗讀中共建黨以來，五十幾封共產黨員信件。籍此宣揚「共產黨員錚錚鐵骨」、「俠骨柔腸」、「呈現人性之光輝」等高尚情操云云（節目總導演朱軍係咁話）。
節目未出街，中國已經畀錢買時段，係幾個國際城市既鬧市播宣傳片：台北西門町（播左一日就被台灣政府叫停）、香港羅素街、北京西單君太百貨同紐約時代廣場都有，次輪仲去埋東京。片尾大大隻字寫住：
「2018信中國 Trust in China。」
Well，外國人又點會對幾十年前雷峰果種無私大愛行為感興趣先？佢地越洋落廣告，好明顯唔係志在宣傳〈信中國〉呢D節目本身，而係一個形象工程，想宣揚「信中國」呢個意念。話畀人知中國共產黨裡頭好多黨員都好好人，叫外界相信中國和平掘起永不稱霸、咪對中共意識形態處處提防。
我只想問一句，呢六十個中國明星，有邊個真係「信中國」，無持有外國護照做護身符既呢？
伸延閱讀：
〈信中國〉宣傳片
2. http://www.youtube.com/watch?v=Ya81TlDI7mg
#口裡說不 #身體卻很誠實 #信佢一成都死
(2018–01–05)
傳送門：西米Go昔日文章
