Member-only story
侵侵賀壽
今年係新中國七十大壽，花旗國認真畀面，侵侵總統提早一年半已經準備定賀禮，送畀「好朋友」習主席 。呢份「貿易戰」大禮，有四大訴求：
（1）要求中國改善貿易逆差，買多D美國貨；
（2）要求中國履行十年前加入WTO果陣既承諾，真正開放市場；
（3）要求中國停止補貼國企/央企/黨企；
（4）要求中國唔好再偷/竊/盜取美國既知識產權同商業秘密。
今時今日既中國無野多，錢最多（騙子都多）。平民百姓蜂湧出國「爆買」（註一）：大手掃金器、掃名錶、掃包包。國家金融機構就鍾意「大撒幣」：送錢畀亞非拉窮國搞基建、買邦交。貿易戰之初，習大大以為侵侵只係一個出書教人做deal既商家佬，有中國人「調和折中」（註二）性格。提出四大訴求，純粹「開天殺價」，只需「落地還錢」便可。於是乎，中共係四樣野之中，揀左最無痛果樣黎做 — 「改善貿易逆差」，爽快應承大量幫襯美國農產品。
點解習大大買野咁爽手？因為此乃「一家便宜兩家著」之舉（即係「縮骨」）。中國錢多，唔介意破財擋災。更重要既係，中華大地，經過幾十年工業發展，水土污染嚴重，好多耕地已不宜種植。又有好多貪官土豪，拎農地起樓，刷GDP刷政績。今時今日佢地國產糧食已經餵唔飽十四億人，必須要從外國入口。反正都要向外採購，向美國入貨可以順手賣人情畀侵侵，咁既「讓步」完全零成本。
誰不知侵侵堅持「四大訴求，缺一不可」，繼續打貿易戰。The rest is history了。
港人送禮
香港呢邊，亦準備左「五大訴求」贈慶，唔單止個個週末都上街抗爭，仲搵埋壽星公既死對頭 — 外國勢力—一唱一和。林鄭市長呢個扯線公仔有樣學樣，學習大大應付侵侵咁，以為畀個可有可無既「讓步」（註三）就塞得住香港人把口。誰不知無人收貨，唯有出動牛鬼蛇神、用盡一切嗱喳手段，重覆又重覆地暴力鎮壓。可惜，佢地咁樣做並唔會令我地驚。大家堅定不移，個個禮拜走出黎反抗。
然後，結局只有一個……
無論面對美中貿易戰，抑或本地逆權運動，中共已經無晒符。侵侵同香港人如果不退讓，堅持繼續送大禮既話，中共無可奈何只有兩個選擇：一係「企硬」、一係「縮」。
中共如果選擇對美國「企硬」，只要侵侵願意，美國絕對有能力將行動升級，例如發動貨幣戰、金融戰、科技戰，將中國經濟推向崩潰。佢如果選擇對香港人「企硬」，即係要大大力「以暴制亂」。無論出動解放軍、抑或搵武警喬裝香港警察執行大殺戮，等同六四事件重演，必會惹黎西方社會出手制裁。當年六四之後，國際社會之所以有共識畀機會中共改過自新，係期望佢富起來之後發展民主，融入文明世界。今次形勢唔同，班鬼佬見識過中共暴發之後，由向錢看既小惡霸，變成搶人地盤、想做莊既黑社會大佬，仲點會放生佢，肯定趁…
