Member-only story
Facebook流傳一條街頭訪問短片，片中訪問幾個00後：一個話香港主權移交是1996年、一個話四大天王是阿嫲時代的歌唱組合、一個就話從未用過facebook，仲話：「Facebook係老野先用。」
00後（i.e. 出生於2000年之後，即係時下青少年）唔用fb，用ig、snapchat，都唔係咩新聞。早一兩年已經有外國報道（註一），講用fb為主要社交平台既用家，集中於三字頭以上，二字頭已經較少。
其實好正常，fb已經興左十幾年，當年既少男少女，而家都三十幾歲。潮流既野就係推陳出新，新一代要突顯自己個性，往往唔鐘意用/特登唔用上一代既野。就好似今時今日仲用yahoo/hotmail做主要電郵地址既人，平均年齡肯定比用gmail既老。
另外，而家d後生仔女鍾意睇圖睇片、唔多睇字。加上少年十八無醜婦，歌仔都有得唱「青春真可愛青春」，唔趁青春留倩影，唔通等到出紋果陣先咩？Instagram以圖會友，岩晒佢地。Upload圖果個有自信，睇圖果個又開心。呢件事由三十幾歲既中女、熟女去做，個效果已經完全唔掂。年紀大，仲成日selfie，好聽叫自戀、難聽就話你發老姣。吸引力被後生女比下去，無乜人follow，hurt爆。
Facebook創辦人Zuckerburg呢排話fb 要回到初衷（註二），初衷係咩？係畀你搵返失散既舊朋友、舊同學。仲讀緊書既學生又點會有呢方面經驗呢？某個專欄作家講得好：
「……先去到某個歲數，才有別離的經驗，才會想起舊伙伴，然後才有動機用Facebook。沒有天各一方的故人，失散多年的老友，Facebook只是一個同溫層時事討論區，確實吸引不到小朋友。」
Facebook本身就設計就係岩老野用。呢，就好似閣下咁，肯花幾分鐘讀完一大堆字。 仲要無女女圖！哈哈！
#最憎用facebook
註：
2. 〈臉書回歸初衷 動態消息將以親友貼文為主〉，台灣蘋果日報，2018–1–12
(2018–1–19)
傳送門：西米Go昔日文章
