第十六回：你睇我好，我又睇你好

80後出走德國去讀書系列

呢篇文一直都想寫，但係之後成日都不了了之。今日由於miss左架巴士而要等兩個鐘先有下一架的關係（當然就仲係要比錢買過張飛），終於都的起心肝寫呢篇文。

如果大家有睇開我的文，好多時都會見到我唔係去旅行就係去玩，好似過得好輕鬆。係時候比大家睇下另一面。

隻身一個人離開屋企8000公里，唔係話咁易，而且仲係去一個無咩其他香港人的地方。你有咩事好多時都係最終靠自己，呢種壓力唔係人人都可以承受。你無咩可能下下都打番香港同你的屋企人或者朋友講，一黎佢地都唔會幫到你咩，二黎人地都有佢地的生活。你可以同你的同學或者係外國識到的朋友傾，但你又點樣同英文去表達你舉頭望明月，低頭思故鄉。到最後，一係就自己死掂佢，一係就飲酒食煙今朝有酒今朝醉，一路拖落去。到最後，都只係會整死自己。

黎左德國第二年，我對於自己的問題一直都係以shit happens 的態度去處理，捱過左就無野。當然前提係最後你係有能力去解決問題。只可惜呢個方法並唔係次次都work，就好似呢個學期咁，無論係學業、生活、人際之間都搞得唔好。好快你就會感覺到自己出現左問題，只係更大問題係你唔知個問題係咩問題。

之前9gag有一個post形容得好好...

‘when you have anxiety but you dont know why’

唔理佢，你就只有繼續差落去。所以，到最後，都係要同closed的幾位朋友講清楚我的現狀。當然，你唔會期望佢地會比到咩意見你（佢地都係同你一樣，都係shit happens on them），但你起碼會知道你身邊係會有人睇住你。（當然如果你剩係自閉一個係屋企，咁其他人就唔會知你有咩問題）

你當你身邊的人係朋友定係只係同學，佢地係會知。正所謂，出外靠朋友，你的shit點都係要由你去搞，只係分別在於你單獨一個定係會有人支持你。

感性mode就到此為止。相信下一篇文章都要等到我考完試後先再會有，希望大家有一個好的2019。

#少年西米的煩惱

(2019–01–21)

傳送門：西米Go昔日文章2019

傳送門：80後出走德國去讀書系列