Member-only story
第四回：談日本制度：電話與地址
日本制度出名僵化兼繁複，而好多初黎埗到既外國人，都可能遇過以下問題：
「申請電話號碼要有地址，申請地址要有電話號碼。」
除左露宿者，「地址」對於本地人黎講唔會構成問題。但係，對於一個剛到日本既外國人，如果學校、公司冇預先安排住宿既話，就會即時跌入呢個無限loop。
另外，日本並無身份證制度。雖然近年推行my number卡（類似香港既身份證系統，每人有個專屬號碼做識別），但有好多人反對，所以拒絕去拎。「電話號碼」同「地址」仍然都是申請各項公私營服務不可或缺的資料。尤其是，有別香港，外國人係日本並唔可以就咁買儲值電話卡既。
靈活變通的外國人面對僵化制度，自然有其解決方法。例如，可以借朋友地址申請電話號碼，有電話號碼就可以租屋，有屋住就可以將電話公司既紀錄改番做自己地址。其實，地址只係用黎登記用，電話公司一封信都唔會寄過去。所以，只要準時交錢，你就算唔係日本都仲可以保住個電話號碼。
呢個故事教訓我地：「正常人要對付僵化既官僚制度，唯有靠漏洞。」
(2017–12–04)
傳送門：有血有淚。香港人在東京轉職社畜
傳送門：西米Go昔日文章
