第四回：IT狗移民之路（IT狗請入）

捨棄中環生活圈，擁抱綿羊與蜜糖之地。

Danny係香港可能會被叫做才俊，但係大部分香港人心目中想移民去既英、美、澳、紐、加，佢只會被歸類為無技術、英文非母語、無本地經驗既垃圾。而佢賺到既錢又未夠技資移民，所以移民既重任就落左太太Amy身上，決定行技術移民。

Amy大學主修computing science，畢業後都從事左相關職業大約6–7年。係佢地決定移民紐西蘭後，搵左一間base奧克蘭既移民顧問公司，由移民顧問公司協助準備所需文件，主要係學歷，工作經驗同關係證明。整個過程大約用左2個月，然後Amy就辭左份工，拎住旅遊簽證隻身飛去奧克蘭搵工。

係搵工既過程，顧問公司係唔會幫手既，佢地只負責移民部分，如果有顧問公司話會幫手搵工反而要驚。顧問公司係搵工時只會做兩樣野，第一佢準備左分文件。假如咁岩入境時俾人問到點解會黎紐西蘭時出示，呢個其實可有可無。第二係另一封信，俾有意請你既僱主知道，顧問公司可以幫佢地手去申請工作簽證，做晒最煩既部份，增加佢地請你既意慾。

Amy拎住旅遊簽證係奧克蘭搵工都面對好多問題，有好多公司一見你無有效既工作簽證已經即時reject，而且佢又唔識揸車，對於某d交通不便既工作地點又係只能放棄。Amy自問自己既skill level都係普通水平，而平時寫既language 同NZ常用既又唔同，所以佢係搵工既過程中，每朝最少apply 10份工，然後每日下午不停咁係到上網學習同練習本地language。好好彩係兩個半月後成功係南島搵到工作。之後好順利地僱主同顧問公司幫佢申請左work visa，顧問公司再幫Danny 申請spouse open work visa。

落地生活兩個月後，顧問公司幫佢地申請resident visa，再3個星期後移民官分別打電話俾Amy同Danny講左大約10分鐘電話，resident visa 就批左出黎。

然後佢地就係南半球開展佢地既新生活。

圖：Weekend market既土炮機動遊戲。呢d土炮野，係香港又點會過到一重又一重怕揹鑊、唔做唔錯既政府官僚，同埋鐘意事投訴既香港人？

(2017–11–21)

傳送門：西米Go昔日文章

傳送門：捨棄中環生活圈，擁抱綿羊與蜜糖之地。