唔知大家有無發覺，香港地好多職位都係多鳩餘、養養埋埋好多冗員。明明有D野一字咁淺，公私營機構就硬係鍾意花人力物力，出份report黎說明「阿媽係女人」。近排，我就見到兩項：
1. LinkedIn調查發現︰「識人好過識字」，缺乏「人脈」係最大障礙（註一）。
主力畀人搵工搵人既社交平台LinkedIn，係香港做左個問卷調查。有86%受訪者認為，獲得成功的主要原因係擁有「合適的人脈」，較認同「努力工作」（84%）的人輕微高2%。
同時，佢地認為「缺乏人際網絡」(32%)係獲得成功既最大障礙。其次係「財務狀況」(26%)。
*** *** *** *** ***
2. 家計會調查印證：游蕙禎講得無錯，香港人連「扑嘢都搵唔到房」。
香港家庭計劃指導會最新調查發現，本港夫婦平均每月僅有3.7次床笫之歡，每周不足一次，比五年前4.4次為減少。影響性生活主因係「與孩子同住一室」或「生活環境擠迫」。即係土地問題啦！
*** *** *** *** ***
其實只要稍為有common sense，唔使周圍問人，自己都可以得出以上結論。我都唔知係咪因為班冗員無料，唔識/唔敢/唔想處理撠手少少既問題，求其搵D輕鬆易做既research題目，交到差就算吖。定係班高層/高官實在離晒地，所以要特登做一堆調查、統計，先知道民情喇。
如果係後者既話，我都唔覺得意外。古有皇帝「何不食肉糜」，今有政府首長唔識用八達通、唔知邊度買廁紙。科技進步，而家唔使出門，拎住部電話，也能知天下事（包括上面兩個調查所得既「民情」）。只可惜，對於香港果班有權階級黎講，縱使佢地有需要知，都一樣可以知。反正佢地個個只顧住份人工，無興趣做好佢地份工。
註：
- 〈成功不只要努力 港人相信人脈一樣重要〉，CTGoodJobs，2018–12–5
- 〈家計會：本港夫婦每月做愛僅 3.7 次 較五年前減少 主要受土地問題影響〉，立場新聞，2018–12–4
傳送門：西米Go昔日文章
