【馬鞍山人係咪前世未排過隊？】

$6/碟 = $3/件，已經引到成班香港人衝出黎

繼上星期三（八月一日）馬鞍山頌安商場「吉野家」，開舖首日晚市都未做（下晝五點半左右），就賣晒野食提早落閘收鋪。兩日後開張試業既新港城「爭鮮迴轉壽司」，一樣人頭湧湧，有過百人排隊幫襯。

香港人鍾意趁墟、趁熱鬧就梗架喇。咩特厚梳乎厘pancake、一蘭拉麵、Lady M蛋糕……引到班新屎坑港女港男影相擺上fb/ig晒命威威，都算。「爭鮮」呢D台灣連鎖集團經營既平價壽司都要打卡？唔係下。

住得係馬鞍山，平時返工放工，逼火車地鐵巴士、去銀行出錢入錢、去私家診所睇醫生……仲嫌排隊排得唔夠？定係，香港人係星期日實在無聊得滯，太多時間唔知點使？

我當你真係好想食，你係新港城等得位黎，我搭幾個站出旺角，食完返黎都得啦。On9！

逾百馬鞍山居民係新港城排隊，等候光顧「爭鮮迴轉壽司」

#浪費時間 #西米Go短評 #WestRiceGoo #西米Goo #香港人 #Hongkonger #HongKongese #港豬 #馬鞍山人馬鞍山事 #馬鞍山人 #馬鞍山 #MaOnShan #香港 #HongKong

(2018–8–5)

傳送門：西米Go昔日文章