【香港股市分析：2019年5月5日】

恆生指數：

• 放完假返黎既星期四（5月2日）同星期五（5月3日），連續兩日都係先低後高。高低波幅各有三四百點，恆指繼續係10天線（紅色）附近上上落落。
• 過去一個星期與上個星期既格局無太大分別，仍然係30,000點/10天線附近上落。要留意既係，5月2日，恆指10天線跌穿20天線（右上白色圓圈），技術上造左個「死亡交叉」。
• 如果三日之內（下星期二或之前），恆指收市無跌穿10/20天線既話，10天線應該可以重新升穿20天線，技術上造返個「黃金交叉」，到時問題唔大。
• 如果三日之內失守29,944（i.e. 5月2日收市位）（統計上，有8成機會會跌穿），之後似乎會有較大調整。
• 中國仲放緊假，係缺乏中國資金之下，恆指成交縮到只得六七百億。呢兩日可以唔理美股走勢，由跌轉升，市底似乎唔弱。
• 不過，星期四、五升市非常依賴個別股份帶動、市寬亦正在萎縮，呢D小訊號令人唔能夠完全放心。Anyway，沉悶既走勢唔會長久，開大開細好快就會揭曉。

• 美匯指數似乎企穩97-98水平，要知道美匯同新興市場股市係有反向既關系。只要美匯唔急升，港股都應該無大問題。
• 港匯無大變動，維持7.845附近橫行。資金暫時未見再流走。

#無冧巴 #無貼士 #呢個並非投資建議 #純個人意見

(2019–5–5)

傳送門：西米Go昔日文章2019

傳送門：香港股市分析

傳送門：如果我看得比人遠，是因為我站在……

傳送門：茶餐廳四人卡位，繁忙時間請坐六人